Türk dünyasına adını qızıl hərflərə yazdırıb Alparslan Türkeş. Vəfatından 16 il keçməsinə baxmayaraq hələ də anılır Başbuğ və nə qədər ki, Türk milləti, Türk milliyyətçiliyi var, heç vaxt unudulmaycaq bu böyük şəxsiyyət. Alparslan Türkeşin haqqın rəhmətinə qovuşduğu 16–cı ildə dünyanın bir çox ölkələrində onu anma proqramları keçrildi. Belə tədbirlərin biri də Hollandiya Türk Federasiyası tərəfindən təşkil olunmuşdu. Tədbir Federasiyanın mərkəzi qərargahında, Hilal Konfrans salonunda, təxminən 500 nəfərin iştirakı ilə keçrildi. Müqəddəs Qurani-Kərim oxunduqdan sonra Türkiyənin İstiqlal Marşı səsləndi. Proqramın təşkilatçısı, Hollandiya Türk Federasiyasının gənclik qolunun başqanı Ahmet Çömlekçi tədbiri açaraq Türkeşin gəncliyə olan münasibətindən söhbət açdı. O, qeyd etdi ki, Türkeş Türk gəncliyinə hər zaman işiq olub, elə bir işiq ki, onu tutub gedən kimsə heç vaxt qaranlığa qərq olmaz və biz Türk gəncliyi həmişə onun adına layiq olmağa çalışacağıq. Slayt göstərilərindən sonra söz alan Federasıyanın Arnhem təşkilatı qadın qollarının başqanı Şərifə Demirəl Türkeşin həyat yolundan söhbət açdı. Daha sonra söz Hollandiya Türk Federasiyasının başqanı Murat Gedikə verildi. Gedik Türk dünyasının birliyinin vacibliyindən danışaraq, Avropa Türklüyünün dünya Türklüyünün bir parçası olduğunu və bunu zamanında ən yaxşı görənlərdən birinin də Alparslan Türkeş olduğunu qeyd etdi. “Aradan 16 il keçməsinə rəğmən bizlər onu anırıq və hər vaxt da anacağıq. Türkeş demək, sülh və rahatlıq uğrunda mücadilə deməkdir. Başbuğ bizə cəhalətlə mücadiləni öyrətdi. Onun bizlərə buraxmış olduğu əmanətlər hər zaman yaşayacaqdır” — deyə Murat Gedik qeyd etdi.
Proqramda şeirlər oxundu, Den Haag Türk İslam Dərnəyinin ilahi qrupunun ifaları ilə davam etdi. Aprel ayında Hollandiya Türk Federasiyası tərəfindən Niderlandın 30 dan artıq regionunda Alparslan Türkeşi anma proqramlarının təşkili planlaşdırılıb.

[email protected]