Lap çoxdanın, neçə illər bundan əvvəlin söhbətidir. Bir ara siyasi yazılarda tez-tez “orta əsrlər” ifadəsini işlədirdim. Axırda rəyinə hörmət elədiyim insanlardan biri mənə qayıtdı ki, sən nahaq yerə orta əsrləri yalnız neqativ mənada işlədirsən, o, dövr həm də İntibah və humanizm dövrü kimi yadda qalıb. Əlbəttə onunla razılaşmaya bilməzdim, çünki düz deyirdi. Amma onda da dedim və indi də bir daha ərz edirəm ki, orta əsrlər həm də inkvizisiya və teokratik imperiyalar dövrü olubdur.

Allah şeytana lənət eləsin. Bu kəlmə son günlərin trendinə çevrilib. Yəqin hardan gəldiyini bilirsiz. Məlum videodan. Açığı desək, Mehman Hüseynovla onu şərləyən Əli Abdalovun barışması videosunda bütün günahların şeytanın boynuna qoyulması və ona lənət oxunmasının şahidi olduq. Nəysə… Allah şeytana bir daha lənət eləsin. Sözüm onda yox. Dini inanc sahibi olsam da, dindar deyiləm. Ola bilsin ki, bu yazdıqlarıma görə dindarlar da məni günahlandıracaqlar. Amma bəzən insanın etdiklərindən heç şeytan da baş açmır.

Ləyaqətsizliyi o eləmişdi, daha çox ailəsini söyürdülər. Şəkillərdə həyat yoldaşı çox məsum görünürdü. Bir az xoşbəxt ailə görüntüsü yaratmaq istəyi vardı, bir az da “hər şey əladır” mesajı. Amma onu dayanmadan söyürdülər. Ərindən daha çox söyürdülər… Bizdə özünəməxsus təhqir ənənəsi var. Həyat yoldaşını söyməyi yox, yeddi arxa dönənin yada salınmasını görmüşük. Nə qədər oğullar atalarına görə hesab verməli oldu. Yaxşıdır, pisdir, bunu müzakirə etmək üçün yazmırıq. Hər halda, insan özünə cavabdeh olmalıdır.

Sovet dövründə tərcümeyi-hallarda mütləq şəxsin gəldiyi ailənin sosial mənşəyi haqda bir cümləni qeyd edirdilər – məsələn: “Ziyalı ailəsində doğulmuşam”. Ziyalı kim idi? Sadəcə, oxumuş, savadlı adam. Müəllim idisə, ziyalı sözünü əlini ürəyinin üstünə qoyub çox arxayın şəkildə yaza bilərdin. Yox, atan, ya anan sadəcə ali təhsilli məmurdusa, o cümləni yazanda bir az böyür-başına baxırdın, üzün xəfifcə qızarırdı. Yəni insanlar sövq-təbii bilirdilər ki, yox, bu ziyalı deyilən şey nəsə başqadı… Gələk öz çağımıza. Bəs indi kimdir ziyalı?

Şona xalqı qokomore xalqının varisidir. Qokomore xalqı isə qədim Zimbabvenin yerli əhalisi olub. Zimbabve isə Afrikanın cənubunda yerləşən və dənizə çıxışı olmayan ölkədir. Afrika isə bildiyiniz kimi, beş qitənin içində ən ekzotiki, həm etno-sosial, həm də siyasi baxımdan ən maraqlısıdır. Bilirsinizmi, bunları Sizə niyə xatırladıram? Düz 29 il idi ki, gözümüz tamam yollarda qalmışdı; bu gün gələr, sabah gələr.

Dünyanın elə bir ölkəsi yoxdur, verilən təbii fəlakət tərkibli proqnoza, qorxulu məlumata sevinsin. Proqnoz düz çıxmayanda isə sevinməyib kədərlənsin, acıqlansın. Azərbaycan istisnadır. Hidrometeorologiya Departamentinin 17-18 yanvar tarixləri üçün verdiyi qasırğa proqnozu, Təhsil Nazirliyinin bununla bağlı təhsil müəssisələrində ikigünlük tətil əmri, uyğun nazirliklərin fəlakətə hazırlıq işləriylə bağlı həyəcanlı məlumatları, sosial şəbəkələrdə yayılan hay-küylü, vahiməli şayiə səs yazıları bunu aydın göstərdi. Bütün bu həyəcan, vahimə, qoxulu bildirişlər vətəndaşlarımızda qorxu yaratmaq əvəzinə bayrama hazırlaşan uşaqların sevinci şəklində üzə çıxdı.

  Hər həftə London metrosunda 150 kitabı bilərəkdən unudurlar. Unudurlar ki, kimsə tapıb oxusun. Altı ildir bu aksiya davam eləyir. Bir müddət əvvəl aksiyaya məşhur aktrisa Emma Uotson da qoşulub, metroda 100 kitab “unudub”. Sonra yerlərini təxmini deyib, adamlar stansiyaları qarış-qarış gəzib kitabları tapmağa çalışıb… Adam təkcə bu haqda yazanda qəlbi fərəhlə dolur. Cəmiyyətə nə boyda mesaj! Aktrisa hər kitab üçün ayrıca açıqca da hazırlayıb.