Xəzərin Mazandaran sahillərində kefal balıqları kütləvi şəkildə qırılması digər Xəzəryanı ölkələrdə ciddi rahatsızlıq doğurub. Azərbaycan Kənd Təsərrüfatı Nazirliyi Xəzər dənizi sahillərində və sahilə yaxın ərazilərdə monitorinq keçirilməsi və bu ərazilərin daim nəzarətdə saxlanılması barədə Nazirlik yanında Dövlət Baytarlıq Xidmətinə göstəriş verib. Öz növbəsindəDövlət Baytarlıq Xidməti  sahil rayonlarının baytarlıq idarələrinə telefonoqram göndərib. Dənizsahili ərazilərində monitorinq keçirilməsi, ərazidə ölmüş və xəstəliyə şübhəli balıqlara rast gəlinərsə, onlardan baytarlıq-sanitariya tələblərinə uyğun nümunələrin götürülməsi, müayinə üçün Respublika Baytarlıq Laboratoriyasına göndərilməsi və bu ərazilərin daim nəzarətdə saxlanılmasına dair ciddi tapşırıq verilib.