Yazıçılar Birliyində Nəsimi Mükafatının növbəti təqdimetmə mərasimi keçirilib və bu ilki Mükafat Xalq şairi, Yazıçılar Birliyi Ağsaqqallar Şurasının sədri Vaqif Səmədoğluya təqdim edilmişdir .

AYB Sədri Anar xatırladıb ki, bir neçə il öncə katibliyin qərarı ilə müxtəlif mükafatlar təsis edildi. Onlardan biri də Nəsimi Mükafatıdır. Nəsimi Mükafatı iki ildən bir Novruz bayramı ərəfəsində təqdim olunur. Bu mükafat ilk dəfə İsa Hüseynova təqdim edilmişdir. Bu dəfə isə Vaqif Səmədoğlu layiq görülür.

Vaqif  Səmədoğlu Yazıçılar Birliyinə minnətdarlığını ifadə edərkən demişdir: “İndi elə durumdayam ki, sevinc yaşamağa böyük ehtiyacım var. Sevinc mənə dərman kimi gəlir. Bu gün mənim sevincimə səbəb oldunuz. Buna görə hamınıza dərin minnətdarlığımı bildirirəm”.

Bəlli olduğu kimi, Vaqif Səmədoğlu İsraildə tibbi əməliyyat keçirib və hazırda sağlıq durumu yaxşılaşıb.