Qərbi Azərbaycan vilayətində 5 məhbus edam edilib. Bu məhbuslar qətldə müqəssir bilinərək dara çəkiliblər. Bu günlərdə 6 məhbus edam hökmlərinin icrası üçün Urmiya şəhər mərkəzi həbsxanasının təkadamlıq kamerasına köçürülüb və onlardan 5-i asılıb. Onların ad və soyadları da açıqlanıb. Bunlar Kərəm Rəsayi, Cavad Qəşəmzadə, Həmidislam Sekan, Rəşid Kəramət və Xəzər Ahusdur.

Qərar İran Ali Məhkəməsi tərəfindən təsdiqləndikdən sonra yanvarın 30-da səhər saatlarında Urmiya şəhərinin mərkəzi həbsxanasında (Dərya) icra olunub.