Rusiya dənizçiləri Ukraynanın Krımdakı sonuncu “Çerkassı” gəmisini ələ keçiriblər. Ukrayna dənizçiləri müqavimət göstərə bilməyiblər və ya göstərmək istəməyiblər.  İşğalçının mərhəmətinə tabe olmağa üstünlük veriblər.

“Çerkassı” dəniz tral gəmisinin heyət üzvlərinin məlumatına görə, hücum zamanı xəsarət alan olmayıb”, deyə Ukrayna Müdafiə Nazirliyinin Krım üzrə media mərkəzinin rəhbəri Vladislav Seleznev açıqlamasında bildirib.

Bakı vaxtı ilə 20.50-də iki “Mi-25” helikopteri və üç sürətli hərbi kater “Çerkassı” gəmisinə hücuma keçib.

Bir müddət sonra Rusiya hərbçiləri gəminin göyərtəsinə qalmağa müvəffəq olublar. Sonra gəmi Rusiya hərbçiləri tərəfindən yedəyə alınaraq aparılıb.    23.00-da “Çerkassı” gəmisinin ələ keçirildiyi bəlli olub…

Bundan bir gün öncə Rusiya hərbçiləri Ukraynanın “Konstantin Olşanski” hərbi gəmisini də ələ keçirmişdilər.