Azərbaycan Silahlı Qüvvələrinin 3 ölkədə hərbi attaşelik aparatları təsis edilib. Bu barədə APA-ya MN mətbuat xidmətindən məlumat verilib. Yeni hərbi attaşe aparatları Braziliya, CAR və İndoneziyada səfirliklərin tərkibində olacaq. Təsis olunmuş yeni hərbi attaşeliklərə təyinat həyata keçirilməyib. Bununla Azərbaycan Silahlı Qüvvələrinin xarici dövlətlərdə hərbi attaşeliklərinin sayı 21 olur. Nazirlikdən verilən məlumata görə, ötən il Xorvatiya, İraq, Macarıstan, Nigeriya, Serbiya, Sloveniya, Yunanıstan və Zambiyanın iqamətgahı digər ölkələrdə yerləşən hərbi attaşeləri Azərbaycanda akkreditə olunublar.