Trabzon Silah Sanayi (TİSAŞ) şirkəti 2013-cü ildə dünyanın 20 ölkəsinə 23 min ədəd tapança ixrac edib. Azərbaycan 2013-cü ildə TİSAŞ-ın tapança ixracatında ABŞ və Pakistandan sonra üçüncü yerdə dayanıb. Şirkət ötən il ABŞ-a 16 min tapança satıb.

TİSAŞ baş direktorunun müavini Mustafa Ərdəm bildirib ki, hazırda Azərbaycan Silahlı Qüvvələri TİSAŞ tapançalarından istifadə edir. Şirkətin Azərbaycanla ortaq istehsal layihəsi var.

Hazırda Müdafiə Sənayesi Nazirliyi TİSAŞ ilə «Zəfər», «Zəfər-K» və «İnam» adlı üç tapança modelini istehsal edir. Ötən il TİSAŞ istehsalı olan polimer gövdəli tapançaların Azərbaycanda istehsalı məqsədilə Bakıda testlər keçirilib (APA).