Hesablama Palatası “Aqrolizinq” ASC-nin Şəki şöbəsində 5 mln. manat vəsaitin mənimsənilməsi və israf edilməsi faktlarını üzə çıxarıb. Bu haqda Turan-ın müxbirinə Şəkidəki məlumatlı mənbələrdən məlum olub.    Xüsusən, kənd təsərrüfatı texnikasının yetərsizliyi, əhaliyə gübrə verilməsində əlavə miqdarlar göstərilməsi faktları aşkar edilib.

Faktla bağlı Baş Prokurorluq nəzdində Korrupsiyaya qarşı Mübarizə idarəsində 308.1-ci (vəzifə səlahiyyətlərindən sui-istifadə) maddə ilə cinayət işi açılıb, istintaq davam edir.

Bəzi məlumatlara görə, yoxlamaların həyata keçirilməsi təşəbbüsü rayon icra hakimiyyəti tərəfindən irəli sürülüb. Lakin Şəki RİH-dən şərh verməkdən imtina ediblər.