Rüşvət üstündə yatan keçmiş məmur həbsxanada xəstəlikdən ölüb. Hadisə Penitensiar Xidmətin Müalicə Müəssisəsində qeydə alınıb. Müalicə alan 53 yaşlı Yusif Dadaş oğlu Dadaşov xəstəlikdən vəfat edib.

Dövlət Torpaq və Xəritəçəkmə Komitəsinin Salyan rayon şöbəsinin baş məsləhətçisi Yusif Dadaşov ötən ilin fevralında şöbənin inzibati binasında, xidməti otağında rüşvət alarkən Baş Prokurorluğun Korrupsiyaya Qarşı Mübarizə İdarəsinin əməkdaşları tərəfindən tutulmuş və mühakimə edilmişdi.