Rusiyanın Ermənistandakı hərbi bazasında “Navodçik-2” tipli yeni pilotsuz təyyarənin sınaqlarına başlanılıb. Sınaq uçuşları Kamxud və Alagöz təlim-tədris komplekslərində gecə və gündüz, müxtəlif iqlim şərtləri altında, o cümlədən dağlıq ərazidə keçirilir.

“Navodçik-2” tipli pilotsuz təyyarələrdən kəşfiyyat, habelə düşmənin radioelektron cihazlarının fəaliyyətinin zəiflədilməsi məqsədi ilə istifadə olunur. Təyyarənin maksimal sürəti 120 km/s, uçuşun maksimal hündürlüyü 3000 metr təşkil edir.