Bu gün Bakı-Qazax yolunun Səngəçal qəsəbəsindən keçən hissəsində “Kapitalbank”a məxsus inkassator maşını qəzaya uğrayıb. Nəticədə  1 nəfər ölüb, 2 nəfər yaralanıb. Bu barədə Turan-a Baş Dövlət Yol Polisi İdarəsindən məlumat verilib.

Öz növbəsində bankın mətbuat xidmətindən bildirilib  ki, avtomobildə olan pul vəsaitlərinin təhlükəsizliyi təmin edilib.

Həlak olan şəxs Nağd Vəsaitlərin İdarə Edilməsi Departamentinin Mərkəzi kassasının baş kassiri, xəsarət alanlar isə  inkassator və sürücüdür.

Avtomobil Biləsuvar rayonuna pul aparırmış. Qəzanın səbəbləri və aparılan məblğin həcmi açıqlanmır.