Prezident Barak Obama İranın yeni BMT səfirinin ölkəyə buraxılmamasını nəzərdə tutan qanun layihəsini imzaladı. Bu qanuna əsasən, terrorçu kimi ifşa edilmiş  şəxslərin ABŞ ərazisinə daxil olub Nyu-Yorkda yerləşən BMT-də xidmət etməsi yasaqdır.  İranın BMT  Daimi nümayəndəliyinin rəhbəri təyin edilmiş Həmid Əbutalibi isə  1979-cu ildə Tehranda ABŞ səfirliyi əməkdaşlarını girov götürmüş tələbə qrupunun iştirakçısı olub. Abutalıbi ona qarşı irəli sürülən ittihamları qəbul etmir və deyir ki, o hadisələr zamanı sadəcə tərcüməçilik edib. Rəsmi Tehran bu qərarın beynəlxalq qanunlara zidd olduğunu və digər şəxsi təyin etməyəcəyini bəyan edir.