Muəllif:

McDonald’s restoranlar şəbəkəsi Krımda işini dayandırdı

Populyar McDonald’s restoranlar şəbəkəsi Krımda işini dayandırdı. Şirkət yaydığı  açıqlamada bildirib ki, McDonald’s-dan asılı olmayan istehsalat səbəblərindən Simferopol, Sevastopol və Yaltadakı qurumların fəaliyyəti dayandırılır, imkan yarandıqda biz onların fəaliyyətinin bərpa olunacağına ümid edirik.

McDonald’s bu sözügedən qurumlarının bütün əməkdaşlarına şəbəkənin Ukrayna ərazisindəki digər filiallarına köçürülmələrinə şərait və imkan yaradıb. Belə ki, əməkdaşların vəzifəsi, maaşında dəyişiklik olmayıb, onların və ailə üzvlərinin yeni yaşayış yerinədək yol xərcləri ödənilib və onlar şirkət hesabına 3 ay evlə təmin olunublar. Bu şərtlərlə razılaşmayan əməkdaşlara kompensasiyalar ödənilməklə əmək münasibətlərinin dayandırılmasının digər variantları təklif olunur.

Ukraynada McDonald’s-ın ilk restoranı 1997-ci ildə Kiyevdə fəaliyyətə başlayıb və hər yerdə olduğu kimi xalq arasında populyar idi.

 

Звёзд: 1Звёзд: 2Звёзд: 3Звёзд: 4Звёзд: 5Звёзд: 6Звёзд: 7Звёзд: 8Звёзд: 9Звёзд: 10
Oxunma sayı: 182