Gecə klubunda polislərlə kluba gələnlər arasında dava  düşüb. Bu davada polis əməkdaşı bıçaq yarası alıb. Səbayel rayon 8-ci polis bölməsindən Turan-a faktı təsdiqləyiblər, amma insidentin hansı klubda baş verdiyini açıqlamayıblar.

Fakt üzrə CM-in 126.2.4 maddəsi üzrə (sağlamlığa qəsdən zərər vurmaq) cinayət işi qaldırılıb, istintaq gedir. Qeyri-rəsmi məlumatlara görə, insident Mikayıl Müşfiq küçəsində yerləşən “502” adlı gecə klubunda baş verib.

Həmin məlumatlara görə, dalaşanlar Yasamal rayonu 27-ci polis bölməsinin və Nizami rayon polisinin bir neçə işçisi və kluba gələnlərdən bir neçəsi olub. Zərərçəkənkər xəstəxanaya yeləşdirilib.