Sabah Tbilisidə cüdo üzrə Qran-pri turniri start götürür. Turnir 3 gün davam edəcək. Yarışda Azərbaycan millisi də mübarizə aparacaq.

Komandanın yeni baş məşqçisi Hacıağa Hacıəhmədov qonşu ölkəyə geniş heyətlə yollanacaq. Təcrübəli mütəxəssis ilk sınağında Vüqar Şirinli, Orxan Səfərov (hər ikisi 60 kq), Nicat Şıxəlizadə, Tərlan Kərimov (hər ikisi 66 kq), Rüstəm Orucov, Orxan Dünyamalıyev (hər ikisi 73 kq), Məmmədəli Mehdiyev, Tural Səfquliyev (hər ikisi 81 kq), Sain Məmmədov, Ramin Qurbanov (hər ikisi 90 kq), Elmar Qasımov (100 kq), Vaxtanqi Batıyev (+ 100), Kifayət Qasımova (57 kq) və Xanım Hüseynovaya (63 kq) güvənəcək.

Yarışda 25 ölkədən 207 cüdoçu mübarizə aparacaq.