Prezident Barak Obama Soçi şəhərinin Olimpiya oyunlarına gedəcək idmançılar və nümayəndə heyətləri, eləcə də yarışları izləməyə getmək istəyən amerikalılar üçün təhlükəsiz şəhər olduğunu bəyan edib. Reutersə istinadən, Obama bildirib ki, rusiyalılar bu səviyyəli beynəlxalq yarışlar zamanı təhlükəsizliyin nə qədər əhəmiyyətli olduğunu bilirlər.

Yaxın dostlarınıza Olimpiya oyunlarına getməyi tövsiyə edərdinizmi” sualına ABŞ dövlət başçısı belə cavab verib: “Mən onlara deyərdim ki, Soçinin təhlükəsiz olduğuna inanıram, lakin iri miqyaslı beynəlxalq tədbirlər zamanı risk həmişə var”.

Obama Rusiyanın hazırladığı təhlükəsizlik planı ilə tanış olduqlarını və bu planın ABŞ-ı qane etdiyini söyləyib.