Azercell Telekom  şirkəti abunəçilərinə müraciət ünvanlayaraq onlara  beynəlxalq mobil dələduzlardan qorunmağı tövsiyə edib.Azercell Telekomdan  yayılan izahata  görə, son günlər Azercell şəbəkəsi istiqamətində beynəlxalq mobil dələduzların fəallaşmasını nəzərə alaraq abunəçilərə daha diqqətli olmalıdır.

Azercell Telekom şübhəli məzmunlu SMS-lərə geri dönüş etməməyi, həmin SMS-də göstərilən beynəlxalq nömrələrə zəng etməməyi məsləhət görür:

“Əks halda, nömrənizin hesabında böyük məbləğdə xərclər yarana bilər. Şirkətin həyata keçirdiyi yeni kampaniya, tarif planları və digər məhsullar barədə məlumatlar Azercell-in rəsmi saytı, Facebook səhifəsi və mətbuat kanalları vasitəsilə abunəçilərə çatdırılır”.