Azərbaycanın kişilərdən və qadınlardan ibarət voleybol milliləri ilk dəfə Avropa Liqasında çıxış edəcəklər. Voleybol Federasiyası mətbuat xidmətindən  yayılan bilgiyə görə, komandalarımız mübarizəyə iyunda başlayacaqlar.

Kişilərdən ibarət yığma A qrupunda Polşa, Yunanıstan, Monteneqro və Rumıniya ilə birgə mübarizə aparacaq. Qadın millimiz də A qrupunda çıxış edəcək. Onlar bir neçə gün əvvəl Dünya Çempionatının final mərhələsinə vəsiqə qazanıblar. Rəqibləri Türkiyə, Bolqarıstan və Sloveniyadır.