Həbsdəki həyat yoldaşına narkotik vasitə ötürmək istəyən qadın saxlanılıb.  Penitensiar Xidmətin ictimaiyyətlə əlaqələr şöbəsindən bildirilir ki, CM 234.4.3-cü maddəsi ilə təqsirli bilinərək 7 il müddətinə azadlıqdan məhrum edilmiş məhkum  Anar Teymur oğlu Hüseynovun (1983) yanına qısamüddətli görüşə gəlmiş həyat yoldaşı, Balakən rayon sakini Məftunə Hüseynova (1988) gətirdiyi sovqata baxış keçirilib. Bu vaxt 2 litrlik plastik su qabında yerləşdirilmiş gilənar mürəbbəsinin içərisindən 20 ədəd sellofan bükülüdə xalis çəkisi 29,231 qram olan narkotik maddə — tiryək aşkar edilərək götürülüb. ..