Avropa İnsan Haqları Məhkəməsi  ölkəmizlər bağlı iki qərarını açıqlayıb. Hökümətimiz iki vətəndaşa təzminat ödəməli oldu.  Qərarlardan biri “Azadliq” qəzetinin baş redaktoru Qənimət Zahidin şikayəti ilə əlaqədardır.  Bu qərara əsasən, 3 ay ərzində Qənimət Zahidə mənəvi zərər əvəzi olaraq 5 min avro, hüquqi məsrəflər üçün 5 min avro ödənilməlidir.

 “Azadliq” qəzetinin baş redaktoru Qənimət Zahidin 2007-ci ilin noyabrında CM 127-ci (qəsdən bədənə yüngül xəsarət yetirmə) və 221-ci (xuliqanlıq) maddəsi ilə ittiham olunaraq həbs olunmuşdu. Bayıldakı 1 saylı İstintaq Təcridxanasında saxlanılan jurnalistin həbs müddəti 2007-ci il noyabr ayının 11-dən 2008-ci ilin mart ayının 7-nə qədər bir neçə dəfə uzadılıb. Yasamal Rayon Məhkəməsi jurnalisti 2008-ci ilin martında 4 il müddətinə azadlıqdan məhrum edib. O, 2010-cu ilin martında Azərbaycan prezidentinin imzaladığı əfv sərəncamı ilə azadlığa buraxılıb.

AİHM Bakı həbsxanaların birində cəza çəkən  Novruz İsmayılovun da müraciətinə baxıb, maddi zərər əvəzi olaraq ona 4 min avro, hüquqi məsrəflər üçün 2500 avro kompensasiya ödənilməsi haqqında qərar çıxarıb.  “Borçalı” özəl bankının təsisçisi olan İsmayılov (1961) dələduzluqdan, mənimsəmə və vergidən yayınmaqda ittiham olunaraq 9 il müddətinə azadlıqdan məhrum olunub və hazırda cəzasını çəkməkdədir.