2022-ci il futbol üzrə dünya çempionatı Qətərdə qışda keçiriləcək.  FIFA-nın baş katibi Jerom Valke bəyan edib ki, ənənəvi olaraq, dünya çempionatları yayda keçirilir. Ərəbistan yarımadasının şərqində yerləşən Qətərdə iyun-iyul aylarında orta temperatur müsbət 38 dərəcə isti təşkil edir.

Valke bildirib ki, 2022-ci il dünya çempionatı iyun-iyul aylarında keçirilməyəcək: «Hesab edirəm ki, mundial 15 noyabrla ən geci 15 yanvar tarixləri arasında keçiriləcək».