Ölkəmiz yolların keyfiyyətinə görə dünya reytinqində 67-ci yeri tutur. Bu barədə Dünya İqtisadi Forumunun ekspertləri tərəfindən hazırlanmış hesabatda deyilir (APA). Müqayisə üçün: Güney Qafqaz ölkələri arasında ən yaxşı yollar Gürcüstan (56-cı yer), ən pis yollar isə Ermənistandadır (80-ci yer).

Ümumilikdə isə dünyada ən yaxşı yollar Fransa, BƏƏ, Sinqapur, Portuqaliya və Omandadır. Ən pis yollar isə Rusiya, Ukrayna, Qabon, Haiti və Moldovadadır. Postsovet ölkələri arasında isə ən keyfiyyətli yollar Litvadadır (32-ci yer).