MEA Əlyazmalar İnstitutu tərəfindən XVII əsr Azərbaycan şairi, Təbriz şəhərinin şeyxülislamı olmuş Mirzə Saleh Təbrizinin divanının surəti əldə edilib. Tehranın Məclis kitabxanasında saxlanan, 102 səhifədən ibarət bu farsca divanın 65-79-cu səhifələrində şairin Azərbaycan türkcəsində 36 şeiri – qəzəl, qitə, nəzm və təkbeytlər cəmi 149 beyt həcmində toplanıb.

Mirzə Salehin yeni aşkar edilmiş bu divanı onun XVII əsr ədəbiyyat tarixindəki mövqeyini müəyyənləşdirməyə yardım edəcək.