Xızıda ağır yol qəzası baş verib — yük maşını dərəyə uçub. Ölən və yaralanan var.
Hadisə bu gün saat 11.00 radələrində Xızı rayonu, Tıxlı kəndində qeydə alınıb — “Shacman” markalı yük avtomobili dərəyə yuvarlanıb. Nəticədə sürücü xəsarət alıb, sərnişin — 80 yaşlı Əfsər Quliyev hadisə yerində keçinib. Yanğınsöndürən-xilasedicilər xəsarət almış şəxsi və Quliyevin cəsədini deformasiyaya uğramış nəqliyyat vasitəsindən çıxararaq aidiyyəti üzrə təhvil veriblər.