Avqustun 11-də DİN Baş Mütəşəkkil Cinayətkarlıqla Mübarizə İdarəsi (BMCMİ) Bakı şəhər sakini Əli Məmmədova hədə-qorxu gəlib 300.000 manat pul verməsini tələb edərək, əvvəlcə ondan 120.000 manat pul alanların Şəmkir rayon sakini Saday İsmayılov və Cəlilabad rayon sakini, əvvəllər məhkum olunmuş Vaqif İbadov olduqlarını müəyyən edib.
BMCMİ və Cəlilabad rayon Polis Şöbəsi Ə.Məmmədovdan əlavə 150.000 manat pul tələb etmiş S.İsmayılov, V.İbadov və onlarla birgə olan Bakı şəhər sakiniləri Atəş Osmanov və Anar Məmmədovu tutub. V.İbadovun üzərindən 34,6 qram tiryək, S.İsmayılovdan isə 15.000 manat pul aşkar edilərək götürülüb.
Faktla əlaqədar cinayət işi başlandığı bildirilir.