Şahdəniz-2 layihəsinin reallaşması Azərbaycana əlavə investisiyalar cəlb etməyə, eləcə də Azərbaycanla Böyük Britaniya arasındakı möhkəm əlaqələri diversifikasiya etməyə imkan verəcək.  Böyük Britaniyanın xarici işlər naziri Uilyam Heyq Bakıda keçirilən Şahdəniz-2 layihəsi üzrə yekun investisiya qərarının imzalanması mərasimində bildirib ki, Şahdəniz-2 layihəsinin inkişafı “Cənub dəhlizi”nin yaranmasına imkan verəcək ki, bu da Avropanın enerji təhlükəsizliyini təmin edəcək və yeni qaz mənbələrini təqdim edəcək.

 Nazir “Cənub dəhlizi”nin genişlənməsinin mümkünlüyünü vurğulayıb: “Bu isə Yaxın Şərqdə enerji resursları mənbələrinə çıxış etməyə və Avropanın enerji təhlükəsizliyini daha da möhkəmləndirəcək”.