Şərqi Azərbaycan vilayətinin Türkmənçay qəsəbəsində (tarixi müqavilə bu kənddə imzalanıb) etiraz aksiyası keçirilib. Güneyin “Oyannews” elektron nəşrinin məlumatına görə, piket Türkmənçay qəsəbəsinin icra hakimiyyəti binası qarşısında olub. Aksiyada 500-dən çox qəsəbə sakini iştirak edib. Onlar qəsəbəyə rayon və şəhər statusunun verilməsini istəyirlər. Piket iştirakçıları arasında İran nizam-intizam qüvvələrinin xeyli sayda mülki geyimli əməkdaşı nəzərə çarpıb.