Tümen-Bakı qatarından bombanın olması ehtimalı ilə ayrılan vaqonda partlayıcı yox, həşiş aşkarlanıb. Rusiya xəbər qaynaqlarına istinadən, istehkamçılar vaqonda partlayıcı qurğunun olduğunu təsdiqləməyiblər, paketdə həşiş olub.

Qeyd edək ki, oktyabrın 24-də qatar Dağıstanın Dərbənd şəhərində gömrük-sərhəd nəzarətindən keçirilərkən vaqonların birində partlayıcı qurğuya bənzər əşya aşkarlanıb. Qatar əhatəyə alınaraq nəzarətə götürülüb, sərnişinlər təxliyə edilib. Bombaya bənzər əşyanın aşkarlandığı vaqon Tümen-Bakı sərnişin qatarından ayrılıb, qatarın özü isə qalan vaqonlarla Bakıya yola salınıb. Hadisə yerinə istehkamçılar və mütəxəssislər cəlb olunub.