DİN mətbuat xidməti bildirir ki, bəzi kütləvi informasiya vasitələrində Lənkəran şəhərində övladının müəllim tərəfindən döyülməsinə görə şikayət edən Şaiq Ağayevin polis tərəfindən  tutulması,   təzyiqə məruz qalması barədə deyilənlərin heç bir hüquqi əsası yoxdur: “Bu barədə  yayılmış məlumatlar böhtan, şantaj xarakterlidir və həqiqəti əks etdirmir”.

Deyilir ki, polisə Ağayevin narkotik vasitələrin qanunsuz alqı-satqısı ilə məşğul olması barədə əməliyyat məlumatı  daxil olub və həmin məlumat əsasında fevralın 4-də  Baş Narkotiklərlə Mübarizə İdarəsinin Cənub  bölgəsində  regional şöbəsinin və Lənkəran Şəhər-Rayon Polis şöbəsi  əməkdaşlarının i əməliyyat tədbirləri nəticəsində Ağayev  marixuananı satarkən tutularaq şöbəyə gətirilib. Faktla bağlı Lənkəran Rayon Polis Şöbəsində CM 234.2 (satış məqsədi ilə qanunsuz olaraq narkotik vasitələri əldə etmə, saxlama, hazırlama) maddəsi ilə cinayət işi başlanılıb. Ş. Ağayev  ifadəsində narkotik aludəçisi və narkotik vasitələrin  qanunsuz alqı-satqısı ilə məşğul olduğunu, satdığı narkotik vasitəni yaxın qohumu olan  Lerik Rayon sakini Mikayıl Tağıyevdən aldığını etiraf edib. Məhkəmənin qərarı ilə Ağayev barəsində həbs qətimkan tədbiri seçilib.

M. Tağıyev də polis əməkdaşları tərəfindən saxlanılıb.  M. Tağıyev ifadəsində cinayət əməlini etiraf edib.