Zarina Məmmədovanın «Sevmə ürək» adlı mahnısının remiks versiyasının hazırlandığı haqda xəbər vermişdik. Mahnının yeni versiyası artıq internet istifadəçilərinin ixtiyarına buraxılıb. Musiqisi Pərviz Mahmudova, sözləri Aygün İsmayılovaya məxsus mahnının həzin versiyası kimi remiks variantının da üzərində musiqiçi Hakan Erol çalışıb.
Qəzetimizə açıqlamasında Zarina Məmmədova mahnının 2013-cü ildə daha çox seviləcəyinə inanır: «Bu mahnı mənim repertuarımda lirik mahnıların sırasında möhürünü vurub. Mahnının yeni aranjimanda səslənməsi maraqlı olar. Çünki hiss edirəm ki, gənclərin bu mahnıya xüsusi rəğbəti var».
Bu mahnının lirik versiyasına çəkilən klipin rejissoru Elnaz Əbluc idi.