Sankt- Peterburqda kütləvi davada iştiraka görə saxlanmış 9 Azərbaycan vətəndaşı vətənə deportasiya olunacaq. Rusiya mediasına istinadən, araşdırma zamanı saxlanan şəxslərin Rusiya ərazisində qeyri-leqal yaşadığı üzə çıxıb və  deportasiya barədə qərar verilib.

Xatırladaq ki, azərbaycanlıların iştirakı ilə kütləvi dava fevralın 19-da Sankt-Peterburqun cənubunda baş verib. Azərbaycanın Sankt-Peterburq Baş Konsulluğu bildirib ki, davaya səbəb gəlinin toy ərəfəsində qaçırılması olub. Dava nəticəsində dörd nəfər müxtəlif xəsarətlərlə xəstəxanaya yerləşdirilib. İnsidentlə bağlı 28 nəfər saxlanıb.