Ötən il sentyabrın 23-də Sankt-Peterburqda 50 nəfərin iştirak etdiyi və ölümlə nəticələnən atışma ilə bağlı açılmış cinayət işinin materialları məhkəməyə göndərilib. Bu hadisə şəhərin Puşkin rayonunun Leninqrad küçəsində, “Ovçu iqamətgahı” restoranında qeydə alınıb.

Həmin vaxt restoranda olan təxminən 50 nəfər müştəri arasında məişət zəminində dava düşüb və bu, sonda atəş açılması ilə nəticələnib. İştirakçılardan biri ən azı 4 dəfə müştərilərə sarı atəş açıb. Nəticədə Çeçenistan sakini olan bir nəfər keçinib. Bu qətlə görə bir Azərbaycan vətəndaşı təqsirləndirilərək həbs olunub. Günahı təsdiqlənərsə, onu ömürlük həbs gözləyir.