Ötən İl Azərbaycanı Eurovision musabiqəsində ugurla təmsil edən Sabina Babayeva 8 Martda Bakının ən böyük və prestijli məkanlarından birində — Hezz-klubda konsert proqramı ilə çıxış edəcək. Onu sevənlərə fərqli bir proqram hazırlayan sənətçi konsertdə yeni mahnısını təqdim edəcək. «Eşq alovu» adlanan bu yeni mahnının musiqisi Sabinanın özünə, sözləri isə «Aypara » qrupunun solisti Arzu Həsənliyə aiddir. Bundan başqa, mahnının ərsəyə gəlməsində aranjemançı Emin Kərimi, əməkdar artist Ənvər Sadıxov və gənc skripkaçı Əkbər iştirak edib.
AYNAya açıqlamasında Sabina Babayeva mahnının yaranma tarixçəsi barədə danışdı:

«Bu yaxınlarda uzaq səfərə yola duşdum, təyyarədə olan zaman öz həyat yoldaşım üçün bu mahnını yazmışam. Mənə elə gəlirdi ki, uzun muddətə ayrılıram ondan, amma bu ayrılıq cəmi 4 gun cəkməliydi. Məni sıxan fikirlər bu mahnını yazmağa vadar etdi. Ümid edirəm, bu mahnıdakı duyğu əksər insanlara tanış gələcək, kimə bu mahnıdakı hisslər yad olsa, onlara mənim mesajım budur — sevin ve sevilin!»