Rusiya bizə 18 ədəd «Vena» özüyeriyən artilleriya qurğusu satacaq və onların ilk partiyası yaxın vaxtlarda Azərbaycana təhvil veriləcək.Rusiya Azərbaycanla 2s31 «Vena» özüyeriyən topların alğı-satqısına dair müqaviləni 2014-cü ilin sonuna qədər tam şəkildə həyata keçirəcək. Bu barədə APA-ya hərbi mənbələrdən məlumat verilib.

Yaxın vaxtlarda «Kurqanmaşzavod» müəssisəsi tərəfindən istehsal olunmuş özüyeriyən topların ilk partiyası Azərbaycana təhvil veriləcək.

Qeyd edək ki, Azərbaycan və Rusiya arasında 2012-ci ildə imzalanmış müqavilə çərçivəsində 18 ədəd «Vena» özüyeriyən artilleriya qurğusu alınması nəzərdə tutulub. BMP-3 döyüş maşınlarının şassisi üzərində hazırlanmış «Vena» sistemi 120 mm çaplı topa malikdir.

Xatırladaq ki, bu ilin sentyabrında Azərbaycanın sifariş verdiyi «Vena»ların istehsalına başlanıldığını əks etdirən fotolar yayılıb.