Aybəniz Haşımova ilə bir neçə duet mahnı ərsəyə gətirib, buna klip çəkdirən Rövşən Əziz növbəti pillədə də xanım sənətçi ilə birgə addımlaycacaq. Gülarə Əliyeva adına “Dan ulduzu” ansamblının solisti olan Rövşən ən böyük layihəsini bu istiqamətdən başlayacaq. Belə ki, o, ansamblın müşayiəti ilə klassik mahnıları öz üslubunda ifa edib, albom şəklində hazırlayacaq.
“Eyni zamanda Azərbaycanın ilk qadın bəstəkarı Ağabacı Rzayevanın mahnılarını oxuyacam. Artıq studiya hazırlıqları başlayıb. Repertuarımı klassik və müasir bəstələr üzərində yeniləyirəm. Aybəniz xanımla da əməkdaşlığımız davam edir. Sənətinə hörmət etdiyim bu xanım mənə hər zaman dəstək olur” – deyə sənətçi AYNAya bildirib.