İstintaq təcridxanalarına, cəzaçəkmə müəssisələrinə ən ağlagəlməz üsullarla yasaq əşyaların keçirilməsinə dair ən orijinal fəndlər eşitmişdik. Lakin plovun içində mobil telefonları… Bunu da eşitdik. Bu fakt Bakı İstintaq təcridxanasında qeydə alınıb.
ƏN Penitensiar Xidmətin İctimaiyyətlə əlaqələr şöbəsindən yayılan xəbərə görə, bu gün, avqustun 19-da bu təcridxanada saxlanlıan Fərid Sadiq oğlu Səfərliyə (1995) vətəndaş Muxtar İbrahim oğlu Məmmədovun gətirdiyi sovqata baxış zamanı 20 litrlik qazanın içində olan bişmiş plovun altında şəffaf sellofana bükülmüş, daxilində danışıq kartları olmayan 4 ədəd «Nokia» markalı və 1 ədəd «Blackberry» markalı mobil telefon aparatları aşkar olunaraq götürülüb.

Fərid Səfərli Bakı İstintaq təcridxanasında CM 181.2.1 (Quldurluq, yəni özgənin əmlakını ələ keçirmə məqsədi ilə hücuma məruz qalmış şəxsin həyatı və ya sağlamlığı üçün təhlükəli zorakılıqla və ya belə zorakılıq tətbiq ediləcəyi hədəsi ilə bağlı olan basqın; qabaqcadan əlbir olan bir qrup şəxs tərəfindən törədildikdə) və 181.2.5-ci (Quldurluq, yəni özgənin əmlakını ələ keçirmə məqsədi ilə hücuma məruz qalmış şəxsin həyatı və ya sağlamlığı üçün təhlükəli zorakılıqla və ya belə zorakılıq tətbiq ediləcəyi hədəsi ilə bağlı olan basqın; silah və ya silah qismində istifadə edilən əşyalar tətbiq edilməklə törədildikdə) maddələri ilə təqsirləndirilən şəxs qismində saxlanılır…