Yanvarın 10-da Bakıda törədilmiş quldurluq hadisəsinin daha bir iştirakçısı yaxalanıb. Yanvarın 10-da günün günorta çağı naməlum maskalı şəxslər Şüvəlan qəsəbəsi Nizami küçəsində yaşayan Akif Həmzəyevin evinə daxil olub bıçaqla xəsarət yetirib, sonra həyətdə olan «VAZ-2121» markalı avtomobilin hər iki dövlət nömrə nişanını açıb ataraq avtomobili aparıblarmış. A. Həmzəyev 3 saylı xəstəxanaya yerləşdirilmişdi. Xəzər polis əməkdaşlarının əməliyyat tədbirləri nəticəsində bu işdə əli olduğu bilinən Bakı şəhər sakinləri — Kamran Cəbiyev və Səbuhi Tağıyev aprelin 2-də Salyan rayonu ərazisində idarə etdikləri BMW-X5 markalı avtomobillə saxlanılıblar, avtomobildən isə 5 qramdan artıq marixuana aşkar edilib. Təxirəsalınmaz əməliyyat tədbirləri nəticəsində cinayətin digər iştirakçısı Bakı şəhər sakini Murad Muradov isə aprelin 5-də yaxalanmışdır.