Bakı şəhər sakininə qarşı quldurluq etmiş şəxslər tutulub.DİN bildirir ki, iyunun 26-da Babək prospektində Ramil Quliyevə məxsus Opel markalı avtomaşına oturmuş 5 naməlum şəxs onu boğmağa cəhd göstərib, döyərək pul verməsini tələb ediblər. Ramil pulu olmadığını dedikdə isə düşərək gediblər. Xətai rayon 37-ci Polis Bölməsi əməkdaşlarının əməliyyatr tədbirləri nəticəsində paytaxt sakini Elvin Rzaquliyev, Neftçala sakini Cavid Quliyev, Cəlilabad sakini Fərid İslambəyli, Lənkəran sakini Araz Rüstəmli və Yevlax sakini Rövşən Əliyev tutulublar.
Fərid İslambəylinin və Elvin Rzaquliyevin ətrafında aparılmış əməliyyat tədbirləri nəticəsində onların Elvinin qardaşı İlkinlə birgə iyunun 24-də Xaqani bağında Bakı şəhər sakini Emil Hüseynovu bıçaqla hədələyib içərisində mobil telefonu, qol saatı, 10 manat pulu və şəxsiyyət vəsiqəsi olan pul kisəsini aldıqları da müəyyən edilib.
Həyata keçirilmiş əməliyyat-axtarış tədbirləri nəticəsində İ.Rzaquliyev tutulub.
Faktla əlaqədar Xətai Rayon Polis İdarəsi tərəfindən araşdırma aparılır.