Qazaxda kriminal aləmlə yaxın əlaqələri olan Babək Vəliyev həbs edilib. DİN mətbuat xidməti bildirir ki, Baş Mütəşəkkil Cinayətkarlıqla Mübarizə İdarəsi və Ağstafa Rayon Polis Şöbəsi əməkdaşlarının əməliyyat-axtarış tədbirləri nəticəsində iyulun 22-də Qazax rayonu ərazisində rayon sakini, əvvəllər məhkum olunmuş Babək Vəliyevin idarə etdiyi “Land Rover” markalı avtomaşın saxlanılıb. Avtomaşına baxış zamanı 1 ədəd “Makarov” tapançası, 12 ədəd patron, 2 ədəd patron darağı, 2 ədəd qumbara, 2 ədəd qumbara alışdırıcısı, 4 ədəd keramika ilə möhkəmləndirilmiş kapsula və 1 ədəd bıçaq aşkar edilərək götürülüb.

Babək Vəliyev əvvəllər bir sıra ağır cinayətlər törətdiyi üçün ümumilikdə 15 il məhkumluq həyatı yaşayıb. Onun kriminal aləmlə yaxın əlaqələrinin olduğu bildirilir.