UEFA Avropa Liqasının pley-off mərhələsində “Qarabağ” cavab oyununda uğur qazana bilmədi. Turnirdə bizim yeganə təmsilçimiz səfərdə “Ayntraxt”a yenildi. Oyun Frankfurtda “Kommersbank Arena” stadionunda keçirilirdi.

Bakıda ilk oyunda Frankfurt təmsilçisinə 0:2 hesabı ilə yenilən komandamızın mərhələ adlamaq şansı az idi. Amma bunadək 2 dəfə Avropa Liqasının pley-off mərhələsində mübarizəni dayandıran təmsilçimiz 3-cü cəhddən uğur qazanmaq istəyirdi. Amma bu istək reallaşmadı və Ağdam klubu rəqibinə 2:1 hesabı ilə məğlub olaraq mübarizəni dayandırıb.

Qolların müəllifləri Aleksandr Mayer, 10; Takaşi İnui, 76 — Reynaldo, 57
oldu. Baş hakim Duarte Qomes idi. Komandaların heyətləri:

«Ayntraxt» — Kevin Trapp, Karlos Zambrano, Bastian Oçzipka, Stefano Celozzi, Anderson Bamba, Takaşi İnui, Aleksandr Meyer (k), Stefan Ayqner, Yohannes Flum, Sebastyan Rode, Pirmin Şvigler.
Ehtiyat oyunçular: Feliks Viedvald, Marko Russ, Konstant Djakpa, Yan Rosenthal, Martin Lanig, Stefan Şrök.
«Qarabağ» — Miro Varvodiç, Maksim Medvedev, Rəşad Sadıqov (k), Admir Teli, Ansi Aqolli, Namiq Yusifov, Corc Leroy, Riçard Almeyda, Çumbinyo, Nikolas Gelaşvili, Vüqar Nadirov.
Ehtiyat oyunçular: Fərhad Vəliyev, Qara Qarayev, Bədavi Hüseynov, Reynaldo, Muarem Muarem, İlqar Qurbanov, Uilrix Kapolonqo.