İyunun 25-də Silahlı Qüvvələrin Baş Klinik Hospitalının ikinci müalicə korpusunun açılışı olub. Prezident İlham Əliyev açılışda iştirak edib.
Səhiyyə ocağı ilə tanışlıqdan sonra prezident hospitalın kollektivi ilə görüşüb.
Daha sonra dövlət başçısı səyyar cərrahiyyə hospitalı ilə tanış olub. Səyyar cərrahiyyə hospitalı 60 çarpayılıqdır.
Hazırda Azərbaycan Silahlı Qüvvələrinin Baş Klinik Hospitalı Cənubi Qafqazda ən böyük hospitaldır. Hərbi Hospital 3 korpusdan ibarətdir. 1000 çarpayısı var, dünyada ən müasir tibbi avadanlıqlarla təchiz olunub.
Hospitalda ən mürəkkəb cərrahi əməliyyatlar həyata keçirilir.