İyulun 29-na keçən gecə Bakı aeroportunda saxlanılan Milli Şuranın Ukrayna nümayəndəliyinin rəhbəri Yalçın Qəhrəmanoğlu 19 saatdan sonra buraxılıb.
Onun vəkili Mənsur Bayramov Turan-a bildirib ki, Y.Qəhrəmanoğlunu DİN Baş Cinayətkarlıqla Mübarizə İdarəsinə aparıblar və orada gəlişinin məqsədləri barədə soruşublar. Qəhrəmanoğlu özü Turan-a bildirib ki, ona qarşı fiziki təzyiq olmayıb. O hesab edir ki, saxlanmasına səbəb Milli Şurada iştirakıdır. Qəhrəmanoğlu vaxtilə “Qərbi Azərbaycana (müasir Ermənistan ərazisi) qayıdış” İctimai Birliyinin fəalı olub, həbsdə olan keçmiş səhiyyə naziri Əli İnsanovun hüquqlarını Müdafiə Komitəsinə daxil olub.