13 ildir İnterpol tərəfindən axtarılan narkobaron Cumhur Yaqut İstanbulda yaxalanıb. İstanbulun narkotiklərlə mübarizə idarəsi əməkdaşları şəhərin Sarıyer səmtində Yaqutun gizləndiyi villanı mühasirəyə alıb. Havadan dəstək əməliyyatına helikopter cəlb olunub. Aradan çıxmağa çalışan bu qatı cinayətkar villanın 2 metr hündürlüyündə olan hasarından tullanarkən qıçını sındırıb və yaxası ələ keçib.

Türk mediasında gedən xəbərlərə görə, Cumhur Yaqut ABŞ-ın ən iri narkobaronlarından biri sayılır. Onun terrorçu PKK təşkilatı ilə əlaqəli olduğu qeyd olunur.