Sərxoş sürücülərin işi asan olmayacaq. Onlar aşkarlanacaq və cəza alacaqlar. Bu mühüm işi gücləndirmək məqsədilə Bakı şəhər Dövlət Yol Polisi İdarəsində xüsusi qrup yaradılıb. Bu barədə Trend-ə İdarənin bölmə rəisi Vaqif Əsədov bildirib.
Bölmə rəisinin sözlərinə görə, qrup gecə saatlarında sərxoş sürücülərlə bağlı reydlər aparıb. Son 20 gün ərzində aparılmış reydlər zamanı Bakıda 110 sərxoş sürücü saxlanılıb və barələrində müvafiq inzibati tədbirlər həyata keçirilib.