Özünü Fövqəladə Hallar Nazirliyinin əməkdaşı kimi təqdim edərək vətəndaşların pulunu mənimsəyən Mirağa Miriyevin cinayət işi üzrə məhkəmə başa çatıb. Ittihama görə, vətəndaşaların şikayəti əsasında İmişli rayon sakini Mirağa Miriyev (1967) həbs edilib.
M.Miriyev özünü FHN-nin əməkdaşı kimi təqdim edərək əhalini aldadıb. Kür daşqınlarından zərər çəkən vətəndaşlardan 2011-2012-ci illərdə dələduzluq yolu ilə 20 min manata qədər pul alıb və söz verib ki, onlar üçün yeni evlər tikəcək. Hələlik onun barəsində 12 nəfər şikayət edib. İstisna olunmur ki, aldadılmış vətəndaşların sayı arta bilər.
Mirağa Miriyev əvvəllər də dələduzluq üzündən məhkumluq həyatı yaşayıb. O, Cinayət Məcəlləsinin 178.2.2, 178.2.4 (dələduzluq) maddələri ilə ittiham edilib. İmişli rayon Məhkəməsinin hökmü ilə M.Miriyev 3 il 6 ay müddətinə azadlıqdan məhrum edilib.