Ötən il Azərbaycan Müdafiə Sənayesi Nazirliyinin (MSN) «İqlim» zavodunda Türkiyənin TİSAŞ şirkəti ilə birgə 1600 ədəd tapança istehsal edilib. Bu barədə APA-ya açıqlamasında TİSAŞ şirkətinin İdarə Heyətinin sədri Əhməd Alemdaroğlu məlumat verib.
Alemdaroğlunun sözlərinə görə, istehsal edilmiş tapançalar plan üzrə sifarişçilərə təhvil verilib: «Artıq bu tapançalar Azərbaycan Silahlı Qüvvələrində tabel silahı olaraq qəbul edilib. Tapançalar keyfiyyətinə və atış ömrünə görə Türkiyə Silahlı Qüvvələrində istifadə olunan modellərimizlə eynidir».
Şirkət rəhbərinin sözlərinə görə, Bakıda hazırda 3 model – «İnam», «Zəfər» və «Zəfər-K» adlı tapançalar istehsal edilir. Azərbaycan tərəfində artıq tapançaların istehsalı təcrübəsi formalaşıb.