Şəmkirdə oğurluğa getdiyi evdə yatıb qalan oğru yuxulu-yuxulu ələ keçib.
Əfəl oğrunun başına gələn bu hadisəni Kəpəz TV yayıb.

…Dünən gecə saatlarında Tovuz rayon sakini Rəşad Vəliyev Şəmkir şəhər sakini Rabə Əmirovanın evinə oğurluğa girib. 9 otaqlı evdən xeyli ızıl-zinət və geyim əşyaları oğurlayan, hətta geyimlərdən bəzilərini geyinən oğru evdə heç kimin olmadığı üçün orada uzanıb dincəlmək istəyib və
yatıb qalıb. Oğru bu gün səhər saat 09:00 radələrində ev sahibi və polis tərəfindən yaxalanıb. Təbii ki, polisdə cinayət işi açılıb, araşdırma aparılır.