Neftçi çilili hücumçusu Nikolas Kanalesin gedişindən sonra onun yerinə legioner transferini gerçəkləşdirib. Apasport.az saytının məlumatına görə, Çempionlar Liqasındakı təmsilçimiz Melvin Platyenin keçidini çıxış etdiyi Hollandiyanın Neymegen klubu ilə razılaşdırıb. Bunu hollandiyalıların rəsmi saytı açıqlayıb.

Tərəflərin ortaq məxrəcə gəlməsindən sonra 24 yaşlı hollandiyalı hücumçu Bakı klubunun Avstriyadakı təlim-məşq toplanışına yollanıb. Hollandiya klubu ilə hələ 1 illik müqaviləsi olan futbolçunun “Neftçi”yə transferi tibbi müayinədən keçəndən sonra rəsmiləşəcək.

Qeyd edək ki, Platje 2011-ci ildən oynadığı Neymegendə 52 matçda 13 qol vurub. O bunadək 4 il şərəfini qoruduğu Volendam-da 100 oyunda 43 dəfə fərqlənib.