“Nardaran Piri”ndə oğurluq hadisəsi qeydə alınıb. Buna peşəkar cibgirlik də demək olar. Burada ibadətlə məşğul olan Gəncə şəhər sakini, 47 yaşlı Nadir Yusifovun gödəkcəsinin cibindən nə az, nə çox, 8 min manat pulunu çırpışdırıblar.

Hadisə barədə polisə məlumat daxil olan kimi əməliyyat qrupu yaradıldığı bildirilir. Cinayətin üstünün açılıb-açılmayacağı sonranın işidir. Məsələ ondadır ki, Nadir Yusifov Gəncədən Bakıya övladını müalicə etdirmək üçün gəlib və “Nardaran Piri”nə xəstə övladına şəfa diləmək üçün gedibmiş…